by ටී. රවිහාර

ගැරී මැකිනන් යනු මෙතෙක් බිහිවූ හැකර්වරුන් අතරින් දැවැන්තම මිලිටරි හැකින් ප‍්‍රහාරය එල්ල කළ හැකර්වරයා වේ. මේ ගීතය ඔහුට නීතියෙන් සාධාරණයක් ලබා ගැනීම සඳහා ප‍්‍රචාරක දිරිමත් කිරීමක් ලෙස ජනතාව උත්තේජනය කිරීමට නැවත පටිගත කරන ලදි. මෙහි විඩියෝ පටයට මැකිනන්ද ගායනයෙන් දායක වූහ. ඔහු ලෝකයේ බලවත්ම අධිරාජ්‍යයේ වඩාත් තීරණාත්මක පරිගණක ජාලය මාස 13ක් තිස්සේ හැක් කරමින් ඒවායේ දත්ත තමන්ගේ පරිගණකයට පිටපත් කර ගත්තේ යැයි චෝදනා ලැබූහ. තවද එක්සත් ජනපද හමුදා වෙබ් අඩවියේම ඇමරිකන් විරෝධී පණිවුඩ සහිත පෝස්ට් පළ කිරීමට ද ඔහුට චෝදනා එල්ල විය.

වර්ෂ 2001 පෙබරවාරි සිට 2002 මාර්තු දක්වා මාස දහ තුනක් තිස්සේ එක්සත් ජනපද හමුදාවේ සහ නාසා හි පරිගණක 97ක් හැක් කිරීමට මැකිනන් චෝදනා ලැබීය. ඔහු

ලන්ඩන්හි සිය පෙම්වතියගේ නිවසේ සිට ‘සෝලේ’ යන අන්වර්ථ නාමයෙන් පෙනී සිටිමින් මේ ප‍්‍රහාරය දියත් කළහ.

එක්සත් ජනපද අධිකාරීන් පවස ආකාරයට ඔහු එක්සත් ජනපද හමුදාවට අයත් පරිගණකවල මෙහෙයුම් පද්ධතිවල වැදගත් ගොනු මකා දමමින් එක්සත් ජනපද හමුදාවේ වොෂිංටන් හමුදා දිස්ත‍්‍රික්කයේ ජාලයට අයත්ව තිබූ පරිගණක 2000ක් පැය 24ක් තිස්සේ අක‍්‍රීය කොට දමන ලදි. මැකිනන් හමුදා වෙබ් අඩවියේ සටහනක් ද තැබූහ: ‘‘නුඹලාගේ ආරක්ෂාව විකාරයකි’’ 2001 සැප්තැම්බර් 11 ප‍්‍රහාරයෙන් පසුව ඔහු අර්ල් නාවික අවි ගබඩා මධ්‍යස්ථානයේ ආයුධ ගැන තිබූ ලොග් සටහන් මකා දමමින්, එහි පරිගණක ජාලය අඩපණ කර දමමින් පරිගණක 3000ක් භාවිතා කළ නොහැකි ලෙස අක‍්‍රීය කර දමමින් එක්සත් ජනපද නාවික හමුදාවේ අත්ලන්තික් නෞකා බල ඇණියට අවි සහ පතරොම් සැපයීම නවත්වා දැමූහ. එම පරිගණකවල දත්ත ඔහු සිය පරිගණකයට කොපි කර ගන්නා ලදැයි ඔහුට චෝදනා එල්ල වී ඇත. එක්සත් ජනපද අධිකාරීන් පවසන ආකාරයට ඔහු විසින් සිදු කරන ලද හානිය පියවා ගන්නට ඩොලර් ලක්ෂ 7කට වඩා වැය වී ඇත.